argazkiak: Carlos García Pozo

MOBILIZAZIOAK : egunero (inkomunikatuta dauden bitartean), 20:00, Telletxe, Algorta

Gaur goizaldean Espainiako Poliziak 6 gazte atxilotu ditu Getxon: Lander Labajo, Aner Mimenza, Josu Rodriguez, Joseba Elorriaga, Mikel De Gregorio eta Txomin Gezuraga. Atxiloketak Garzon epailearen aginduz burutu dira eta kale-borroka eta ETArekin lotura izatea leporatzen diete. Atxilotzeko aginduaren arabera 2005.07.21 - 2007.07.28 arteko kale borroka ekintzak burutzea leporatzen diete.

Atxiloketa batzuk oso bortitzak izan dira. Daukagun informazioaren arabera Landeren etxean GEO taldekoak sartu dira atea lehertarazi ondoren. Mikelen etxean, aita eta anaia esposatuta eduki dituzte etxeko eskaileretan.

Poliziek esan dutenez, atxilotuak Indautxuko polizia-etxera eraman dituzte. Baina atxilotu baten gurasoak bertara joan direnean dagoeneko Madrilera eraman dituztela esan diete.

Guztien etxeak goitik behera miatu dituzte, eta kasu guztietan ordenagailuak eraman dituzte.

Koska Irratiak (108.0 FM) jarraipen berezia egingo dio gaur egun osoan gai honi.

Lander Labajo bizi den baserriak etxebizitza bi ditu. Poliziak beste atea lehertarazi eta bertako bizilagunaren gainera bota dira ohean bertan, BESTEAK NON DAUDE! etengabe errepikatuz. Dena miatu dute, 05:00 edo 06:00ra arte, idazkari judizialik gabe.

Mikel de Gregorioren etxean ere oso sarrera bortitza egin dute. Zaratak entzun eta etxekoek zer gertatzen ari zen ikusteko atea zabaldu dutenean poliziak atea botatzekotan zeuden. Gero aita eta anai gaztea esposatuta eduki dituzte etxetik aterata. Idazkari judizialak 45 minutu beranduago iritsi da, bitartean dena miatzen ibili direlarik.

Joseba Elorriagaren etxean idazkaria izan da, baina ezin izan dute jakin zer eraman duten, etxekoak kanpoan izan dituztelako.

Aner Mimenzaren etxeko atea mailu batez botatzen saiatu dira. Gero, amaren ordenagailua eraman dute.

ATLAS agentziaren bideoa : hemen

INKOMUNIKAZIOA = TORTURA

ASKI DA!

Soto del Realeko espetxean aurkitzen diren euskal preso politikoak borrokaldian dira azken asteetan, espetxeko zuzendaritzak ezarria duen bakartze politikari aurre egin eta berau amaitu dadin eskatuz.

Aurrez antzeko borrokaldia aurrera eraman zuten, eta beraien helburuak une batez lortu bazituzten ere, ondoren berriz bakartzeekin hasi zen espetxea. Beraz, irailean zehar hainbat ekimen burutu dituzte:

Irailak 3-7: Goizez txapeoa
Irailak 10-14: Egun osoko txapeoa
Irailak 17-21: Planteak

Isolamenduan dauden neskak, isolamenduko moduluan egonik eta horrek dakarren egoera bereziagatik 10 minutuko plantea egin zuten irailaren 22an.

Mutilek plante gogorragoa egin zuten. Ondorioa: Arrastaka atera zituzten, “asesino” deituz, eta ziegan sartu zituzten 72.1 artikulupean, patiora atera gabe.

Ainhoa Mujikak oraindik bakarturik jarraitzen du. Mutilen isolamendu batean dago eta bertatik beste preso sozial guziak atera dituzte bera bakarrik gelditu delarik.

Urtzi Murueta eta Igor Maiora irailak 22an egindako plantearen ondoren, faxista asko dagoen modulu batetan sartu zituzten. Mehatxu eta irainak zirela eta, iskanbila sortu zen, eta isolamendura eraman zituzten biak. Mutilak aurrez 3 modulutan aurkitzen ziren eta orain bost modulutan banatuak daude.

Uribe Kostako preso hauek daude Soto del Realen: Lexuri Gallastegi (Berango) , Urtzi Murueta (Leioa), Irantzu Gallastegi, Arane bere umearekin, amen moduluan eta Manex Zubiaga (Algorta) 7. moduloan.

Guztira hauek dira Soto del Realen dauden euskal preso politikoak: Abaunza Martinez, Javier; Aldasoro Jauregi, Juan Cruz; Alvarez Forcada, Joseba; Amorrotu Lizeranzu, Oier; Arbulu Renteria, Ibon; Arginzoniz Zubiaurre, Haritz; Arraiz Barbadillo, Asier; Aspiazu Alzelai, Andoni; Bert Arretxea, Fernando; Elkano Etxebeste, Anjel Mari; Etxeberria Arbelaiz, Rufi; Garai Vales, Jon; Gomez Gonzalez, Alberto; Iparragirre Arretxea, Imanol; Irastorza Dorronsoro, Xabier; Karasatorre Aldaz, Juan Ramon; Kortazar Pipaon, Joseba Imanol; Lomas Perez de Obanos, Federico; Maiora, Igor ; Murueta Gondra, Urtzi ; Oiartzabal Ubierna, Anartz; Permach Martin, Joseba; Petralanda Mugarra, Aner; Petrikorena Leunda, Juan Jose; Telletxea Goñi, Iñaki; Zabalo Beitia, Xabier; Zubiaga Bravo, Manex ; Zubimendi Berasategi, Mikel; Agirre Garcia, Oihana; Alejandro, Maria Tomasa; Diaz de Hrdia Ruiz de Arblu, Maite; Egues Gurrutxaga, Ana Belen; Fernandez de Labastida, Maite; Gallastegi Sodupe,Irantzu(+umea); Gallastegi Sodupe, Lexuri; Lizarralde Palacios, Ana ; Martinez Garcia, Idoia (+umea); Mujika Goñi, Ainhoa; Regueiro Martinez, Joana; Santesteban Perez, Arantza

Telefonoz familiarrei jakinarazi dienez, astearte-asteazken gauean beste krisialdia izan zuen Anjelek bere ziegan.

Bertan beste preso politiko batekin dagoelarik, gauez ziegako zoruan koltxoiak jartzen dituzte epilepsia atakeetan hainbeste kolpe har ez dezan. Dena dela ziega oso txikia da, eta bere ziegakideak goiko literan lo egiten du eta altxatzeko Anjelen gainetik ibili behar izaten du…

Bestela ere, horren harira, Anjel espetxeko medikuarengana joan zen atzo eta enfermeriako egongelan zegoela konortea galdu zuen besterik gabe. Esnarazi zuten eta medikuarekin izan zen, baina telefonoz hitz egin zuenean ez zuen ondo gogoratzen hori guztia.

Preso gaixoak askatu!
Anjel askatu!

Berriro ere borrokan sartu dira. Orain dela hilabete inor bakarrik ez egoteko dinamika aurrera eraman zuten, eta berehala lortu zituzten helburuak. Orain berriro bakartu dituzte kide batzuk.

Zuzendariari bilera eskatu zaio, ez du erantzun.

Bakartuta dauden presoen artean Lexuri Gallastegi (Berango) dago, isolamenduko moduloan. Bestela Uribe Kostako beste hiru preso ere dira Soto del Realen: Urtzi Murueta (Leioa), Irantzu Gallastegi, Arane bere umearekin, amen moduloan eta Manex Zubiaga 7. moduloan.

Bakarrik daudenak: Juan Mari Olano Olano (Zaldibia), Marta Igarriz Izeta (Hernani), Ana Belen Egues Gurrutxaga (Elduain), Ainhoa Mujika Goñi (Donostia), Lexuri Gallastegi Sodupe (Berango).

Egin dutena:

Irailak 3-7: goizez txapeoa
Irailak 10-14: egun osoko txapeoa

Asmoak:

Irailak 17-21: planteak
Irailak 24: plante orokorra. Isolamendura eramaten badituzte, handik ateratzean berriro jarraitu borrokarekin.

Jabi Gallaga (Algorta)

Jabierren aita Pako Gallagari Albertian egindako omenaldia eta errautsak zabaltze ekitaldiaren argazkiak postaz bidali zizkioten Kordobako espetxera bere familiarrek. Espetxean jakinarazi diote argazki horiek erretenituta daudela, besterik gabe.

Aita bizirik ikusten ez zuten utzi eta orain haren oroigarriak ere kendu egin dizkiote!

Aski da! Jabi askatu!

Irudiak handiago ikusteko sakatu argazkien gainean

Manex atzo estraditatu zuten sei hilabeterako, Xabier Abaunza eta Juan Ramon Karasatorrekin batera. Algortan kontzentrazioa egin zen Telletxen errepresioa salatu eta Manexen askatasuna aldarrikatzeko.

Manex gaur goizean pasatu da Espainiako Auzitegi Nazionaleko epailearen aurretik. Orain Soto del Real espetxean dago, 7. moduloan.

Poliziak grabatutako bideoa: hemen

Helbide berria:

Manex Zubiaga Bravo
Centro Penitenciario MADRID V
28.770 Soto del Real (Madrid)

Angel Figueroa (Algorta) preso politikoak eskatuta zeukan 92. artikuluaren aplikazioa ukatu egin dio Zaintzako Epaitegi Zentralak 2007.07.31 data duen ebazpen batean.

Anjelen osasun egoeraz aipatu behar da abuztuan beste bi atake epileptiko izan dituela eta Txagorritxu ospitalean ingresatuta ere izan dela.

Orain Langraitz espetxeko enfermerian dago, ziegan beste kide batekin dagoelarik, eta jarrita duen tratamendua jarraituz, irailean zehar Gurutzetako ospitalera joan beharko du hainbat kontsulta egitera.

Manex Zubiaga (Algorta) Manex Fresnes-ko espetxera eraman dutela jakin dute gaur bere familiarrek bisita egitera Châteauroux espetxera joan direnean. Horretara, bisita egin ezinik gelditu dira. Ondoren ere jakin izan dutenez, Manex asteazkenean Espainiara eramango dute, epaiketa baterako. Lexuri Gallastegi, hain zuzen, abuztuaren 9an eraman zuten epaiketa horretarako, biak sumario berberean sartuta daude-eta.

Pako Gallagaren hileta gaur 20:00etan egin da Algortako Redentor elizan.

Ertzainek Jabi Gallaga ordu bete lehenago ekarri eta sakristian sartu dute. Ingurua kalez jantzitako poliziez josita egon da eta Ertzainetako Beltzen konpainiako hiru furgoi inguratu dute eliza, metrailetaz armatuta. Eliza barruan ere Jabi ertzainez inguratuta egon da eta ez dute ama baino beregana hurbiltzen utzi. Elizkizunak amaitzerakoan familiarrekin izan da une labur batez, baina halako batean ertzainek egonaldia amaitutzat eman eta eraman egin dute.

Bideoan Jabi polizien artean elizaren sakristiako atetik atera eta auto gorri batean sartzen ikusten da, Toni bere ama agurtzen ahalegintzen den bitartean. Gero Ertzaintzaren autoak jendearen artean igaro dute.

Elizaren atarian aurreskua dantzatu eta Eusko Gudariak abestu da Pakoren omenez.

Ertzaintzaren portaera gaur ere lotsagarria izan dela esan behar dugu. Segurtasunaren aitzakian familia baten saminaren aurrean gorrotoa eta mendeku gosea besterik ez dute erakutsi.

Aski da!
Autodeterminazioa eta amnistia!

Pako Gallaga (Algorta) manifestazio batean eskuan Jabi semearen argazkia daramala

Pako Gallaga EAE-ANVko militante historikoa eta Etxerateko partaide nekaezina hil da gaixotasun luze baten ostean.

Jabi Gallaga bere semea larunbatean Kordobatik atera zuten aita ikusi ahal izateko, baina ezin izango du aita bizirik ikusi.

Bihar, ostirala, goizeko 11:00etan erraustuko dute Pako zenaren gorpua Derion.

Arratsaldeko 20:00etan hileta elizkizunak egingo dira Algortako Redentor elizan. Familiarrei jakinarazi dietenez Jabi bertara eramango dute, aitari azken agurra eman diezaion.

Omenaldia

Larunbatean, abuztuak 4, omenaldia egingo zaio Pakori Albertian, eguerdiko 12:30etan. Ekitaldian bere errautsak zabalduko dira bertan.

Agur eta ohore Pako, irabazi arte!